مهمة الدفاع عن الصين هتبدأ قريباً
النهاردة وصلتني اللعبة العظيمة دي The Great Wall من Awaken Realms. أحد أفضل الشركات إللي بتنتج ألعاب الـ (بورد جيمز) في الساحة حالياً. وشكلي هبدأ الدفاع عن الصين قريباً!
إيه أفضل طريقة تتعلم بيها لغات من الـ (بورد جيمز)؟
اللعب بشكل عام والـ (بورد جيمز) بشكل خاص، تعتبر أرض خصبة جداً لتعلم اللغات بشكل عام. فإياك تفوت الفرصة دي على نفسك. بجانب المتعة إللي ممكن نحس بيها وإحنا بنلعب، ممكن كمان نستفيد ونطور من نفسنا وإحنا بنستمتع.
لعبة Tzolk’in: The Mayan Calendar – اكتشف أسرار حضارة المايا
واحدة من الحضارات إللي مليانة ألغاز. بداية من تقدمهم الرهيب في علم الفلك، والرياضيات، واختراعهم تقويم المايا. ومروراً باكتشاف مجسمات ذهبية تشبه الطائرات الحديثة إللي بنركبها اليومين دول! وانتهاءً بلغز انهيار حضارة - فجأة كدة - دامت 3000 سنة. فيا ترى هتقدر تكتشف أسرار المايا؟!
لعبة Architects of the West Kingdom – أبهر الملك وعيد بناء المملكة
حصلت حرب أهلية طاحنة بعد موت الإمبراطور، واتقسمت الإمبراطورية إلى ممالك صغيرة مستقلة بعد انتهاء الحرب وعمل معاهدة بين كل الأطراف. فقرر المهندسيين المعمارين الملكيين إنهم يبهروا ملكهم الجديد ويحافظوا على درجة قربهم من الملك عن طريق إعمار مملكتهم الجديدة بكل الوسائل المشروعة والغير مشروعة.
لعبة Terraforming Mars – استعد لإنقاذ البشرية من الفناء
إحنا بنمر بأصعب لحظات حياتنا على كوكب الأرض. أعداد البشرية بقت أضعاف مضاعفة من سنوات، وبالتالي الموارد بدأت تقل أو تنقرض! إحنا في خطر كبير! ومقدمناش غير حل واحد بس عشان البشرية تقدر تستمر! وهو إننا نعيش على سطح كوكب تاني. كوكب المريخ!
لعبة Chronicles of Crime – حضرة المحقق، أنت مطلوب على وجه السرعة!
بعد جريمة بشعة في لندن، مطلوب منك تستجوب الشهود والمشكوك في أمرهم، تفحص الأدلة وترفع البصمات، تفحص مسرح الجريمة. مقدامكش كتير عشان تعرف المجرم، والدافع وفين سلاح الجريمة قبل ميكرر جريمته مرة تانية.